رواية حصري2

: لما شفتك فهمت انها مش مجرد وقعة اسكوتر وسالت يوسف : ليه يا يوسف …. ليه عملت كده : انا اسف كنت متكتف ومش عارف اجيب لك حقك حسيت انه الوحيد اللي هيقدر يساعدني وفعلا جابه هنا في مخزن قديم لوالده حاتم :يا اخوانا الحبيبه خلصونا ناويين تعملوا معايا ايه انا مش هسكت وهاخد حقي زياد : مش لو طلعت من هنا على رجليك *تذكرت تولين استغلاله لعجزها فامسكت العصا مره اخرى وضــ . ـربته على اقدامه

:انا هفضل اضــ . ـربك على رجليك لما تفقدهم عشان تحس نفس الاحساس بالعجز اللي انا حسيت بيه وايدك كمان المقرفه دي اللي لمستني *وضــ . ـربته على يديه. : وعينك كمان اللي شافتني *امسكها يوسف هذه المره :خلاص كفايه كده يا حبيبتي سيبيه يستريح ونكمل عليه بكره هو كده اخذ علقه النهارده كل يوم من ده لحد ما يمــ . ــوت لوحده متعلق *وحملها وخرجوا جميعا من المخزن زياد للحارس : لااكل ولا ميه وتسيبه متعلق كده ولو هرب هعلقك مكانه فاهم

الحارس: امرك يا زياد بيه بقلمي سحر السحرتي *ركبت تولين السياره وهي تبكي :ليه يا يوسف قلت لزياد ليه كنت سالتني …. لو كان في مجال نرجع لبعض كده مش هقدر ارجع له *زياد سمعها: ليه يا تولين بتقولي كده :انت ركبت امتي انت مش كنت واقف مع الحارس :ردي عليا ليه بتقولي كده :زمان ذليتني باعاقتي ودلوقتي محاوله الاغتصاب مش هستحمل : يوسف ممكن تسيبنا مع بعض انا هرجعها تبات مع طنط عايزه اتكلم معاها كلمتين

يوسف: اه طبعا وشكرا يا زياد تولين يا حبيبتي عايز اقولك كلمتين قبل ما تمشي مع زياد #يوسف هيقول ايه لتولين وهل ستوافق على العودة لزياد حلقة ١٧ *تحدث يوسف بكل حنان وحب

:تولين يا حبيبتي زياد بيحبك وساعدنا وجاب حقك من الحقير ده اللي عمري ما كنت هقدر اجيبه من غير ما ابلغ ولو كنت شفته في الشارع كنت هقــ . ـــتله ومستقبلي يضيع ومش معايا اثبات باللي عمله هو فكر واتصرف صح ارجوك اسمعيه ولو غلط زمان سامحيه هو ما كانش يقصد …. كلنا عارفين وحاسيين انه بيحبك وواضح زي الشمس زي ما كلنا كنا عارفين ان حاتم كان بيضحك على ولاء وعمره ما حبها *بكت ودخلت في حــ . ــضنه

:ما كنتش عيزاه يعرف هو بالذات صعب عليا وعليه انه يعرف ان حد لمسني وكان …. وكان …. انا لسة ما تخطيتش الحـ .ــادثة دي كل يوم بقوم مفزوعة من النوم وبفكر لما ده احساسي وفشل يعمل حاجه امال لو كان نجح *قام بمسح دموعها وقبل راسها : انا متاكد انه الوحيد اللي هيقدر ينسيك اديله فرصة تانية ولو خسرها انا معاك والمرة دي انا اللي هقفله …. زياد انا ماشي : لا اركب هنزلك على اول الطريق

:لا انا جيت بالاسكوتر بتاع تولين *وكأن عقرب قرصها وبصوت عالي :نعم … انت بتركب الاسكوتر بتاعي من غير اذني قلتلك ١٠٠ مرة قبل كدة ما تركبهوش *دفعها بكلتا يديه بمزح :يا شيخة انت في ايه ولا في ايه مش كنت لسه بتعيطي فقتي دلوقتى :واد انت تروح ترجعه وما تركبوش تاني :يا بنتي انت ناسية اني دافع فيه :ما انا دافعة في البلايستيشن وسيباك تلعب بيه لوحدك *ضحك زياد على هذا الثنائي المجــ . ــنون

:هو انتم على طول كدة مع بعض يوسف : اه الحمد لله انها بنت كنا قطــ . ــعنا بعض على اللبس رغم انها مجرمة ساعات بتسرق تي شيرتاتي :طب روح قبل ما تضــ . ـربك واضح انها فاقت :دى اللي بيلمس حاجتها لو ميتة بترجع للحياة :مش انت اللي انسحبت من لسانك كنت قولي طلبت اوبر ههههههه وداري على نفسك اختك وانت حافظها :عندك حق ما تنساش قول لماما اني كنت معاكم احسن انت عارفها وابقى اديني خبر روحتوا امتى احسن تسالني

:وانت كمان ما تنساش الكافيه طلع مش من مستواها :تمام سلام بقلمي سحر السحرتي *انطلق زياد بالسيارة واتجه الى مكان رومانسي وهادئ :اتفضلي انزلي هنتكلم كلمتين بعيد عن مامتك عندك مانع *بمنتهى الاستسلام :حاضر :ايه الادب ده مش واخد على كدة مين حضرتك :زياد :خلاص اتفضلي يا برنسيس *قالت بكل دلع وثقة :طبعا برنسيس وكوين كمان *ابتسم زياد بحب :حمدلله على السلامة ياقلبى :شايفني كنت مسافرة :شقاوتك اللي وحشتني هي اللى كانت مسافرة *خجلت من كلامه

:قعدت اتفضل قول عايز ايه :حاسس انك مضايقة اعتبري ان دي اخر مرة هقعد واتكلم معاك بعدها مش هضايقك ولا هعترض طريقك ولو عيزاني اعتذر عن تدريس المادة كمان موافق ولو حابة ارجع اسافر تاني برضه كمان موافق *احست بغصة في قلبها من انه سيبتعد وانه جاد في كلامه فاردت ان تبدوا وكانها غير مهتمة : ليه ده كله عيش حياتك عادي وانا كمان هعيش عادى :انت صحيح مصدقه اني ذليتك بالاعاقة اللي عندك وممكن اذلك بالحـ .ــادثة اللي ملكيش يد فيها مصدقة اني بالاخلاق دي

:امال كان معنى كلامك ليا ايه فهمني : انت عندك استعداد تسمعيني وتصدقيني :عندي استعداد اسمعك مسالة اني اصدقك دي ترجع للي هتقوله *امسك يدها وتحدث بكل صدق والحب والاشتياق يشع من عينيه :الكلمة خرجت غصب عني غلطت في التعبير لكن عمري ابدا ما فكرت ولا هفكر اذلك انت حب حياتي انت حبك كان دافع ليا في الغربة اني اذاكر وانجح واتفوق انت وقفتي جمبي اكثر مما تتصوري :وقفت جمبك ازاي

: كفاية حبك ليا اللي كنت بحسه من عنيك في كل اغنية كنت بتغنيها وبحس انك بتهديها ليا واكثر من كدة عمرك ما ضغطتي عليا عشان اتقدم لك وانت عارفه ان امكانياتي تسمح :انت متاكد ان عمري ما كنت هطلب منك تتقدم الا لما تثبت نفسك وتحقق حلمك :عارف ومتاكد كمان اني لما جيت اسافر كنت محتجالي جمبك وضحيتي وشجعتيني على السفر وانك لو كنتي قلتي لي بلاش سفر كنت هقعد بس كنت هبقى معيد عادي السفر قصرلي السكة وخلاني اتقدم

:انت كنت متخيل ان كان ممكن ادمر لك الحلم اللي قعدت تبني فيه سنين عشان انانيتي :عارف يا حبيبتي حتى لما كنت بكلمك من هناك كل فترة لان كنت مشغول عمرك ما عاتبتيني ولا نكدتي عليا بالعكس كنت بتهونيها عليا وبحس ان مكالمتك الحاجه الحلوة اللي بكافئ نفسي عليها اما بذاكر كتير :طب كويس انك عارف ومقدر *قبل يدها بكل حنية فاحست بقشعريرة تسري بكل جسدها : تولين الموضوع طول قوي وانا تعبت من عندك ورفضك لحبي والمرة دي اخر مرة موافقة نرجع لبعض واطلب ايدك من مامتك

:لا *افلت يدها وقال بكل حزن :اسف مش هضايقك مرة تانية *ابتسمت له بكل حب وامسكت يده :انت متسرع ليه كنت هقولك لا اطلب ايدي من بابا بما انه موجود في مصر وعايش اظن من حقه وحقي انه يفرح بيا اينعم مش عارفه اذا كنت بنته الوحيدة بس من حقي يبقى وكيلي في الجواز *امسك يدها وقبلها بكل سعادة :بجد موافقة دى انا هقلب الدنيا واوصله :وتقلب الدنيا ليه بعد بكرة مسافرين ندور عليه سوا هناك بس ..

:بس ايه :اقولك وما تضايقش :قولي كل اللي في قلبك طالما رجعتيلي :انت ليه عملت مع حاتم كدة :عشان انا ظهرك زي ما قلت لك عند بابا ومن يوم ما طلبت ايدك من طنط هدى وقالت لو رجعت من السفر ولسه عايز تتجوزها مش همنعكم من يومها اعتبرتك خطيبتي ومفيش حد يرفع صباعه على خطيبة زياد السيوفي ويفضل عايش :ايه الغرور ده …. استنى انت هتقــ . ـــتله :لا طبعا :امال ناوي على ايه : انت عايزة ايه اسجــ . ــنه ولة اشله

: مش فاهمة : يعني لو كنتي بلغتي كان لبس كام قضية وهيتسجــ . ــن كام سنة نجمعهم ونلبسه قضية يقعد قي السجــ . ــن لغاية ما يعفن او نقعده طول حياته على كرسي بعجل :طب سيبني افكر *نظر لها بكل هيام وشوق :تسمحيلي اطلب طلب *امام نظرة عينيه الممتلئة بالحب اجابت بكل عفوية وانوثة جذبته اكثر : اتفضل : تقبلي تتجوزيني *واخرج من جيبه علبة صغيرة بداخلها دبلتين :مش قلنا تطلبني من بابا :هطلبك بس نفسي نسافر وانت لابسة دبلتي وامشي معاك وانا ماسك ايدك وبقول للناس كلها دي حبيبة عمري كله هاه قلتي ايه

*نظرت بخجل :موافقة *مدت يدها ليلبسها الدبلة فالبسها وقبل يدها *فخجلت اكثر :بس بقى يا زياد ما تكسفنيش :بحبك يا تولة انت عارفة لو كنتي رفضتي برضة كنت هفضل وراك وما كنتش هتجوز غيرك واي حد يفكر يتقدملك كنت هخطفه واعمل فيه زي حاتم :سامحني يا زياد انا كنت مجروحة قوي اي حاجة بتفكرني بالاعاقة او بتلمح لها بتقــ . ـــتلني انت ما تعرفش انا مريت بايه وانا صغيرة لولا بابا وماما كانوا دايما معايا ما كنتش هكون سوية واللي زاد لما شفت صورك مع بنت عمك اتجرحت اكثر

:ولا يهمك خلاص كل ده بقى ماضي المهم المستقبل بلاش العند بتاعك ده كان هيضيع حبنا اوعديني انك مش هتسبيني تاني :لا طبعا لو غلطت زي المرة اللي فاتت هسيبك ونص : عمري ما هعملها انا امــ . ــوت لو سبتيني : انت هتمــ . ــوت فعلا لو بصيت لواحده غيري : طب قولي بعد الشر : هو المــ . ــوت شر دى حتى راحة ابدية :الرومانسية في احلى صورها ههههه : يلا يا رومانسي عشان هدهد ممكن توقف حال الجوازة دي

: لا انا قتيل الجوازة دي انا ممكن اصورلكم قتيل انت ما تعرفنيش :طب اما نشوف بتيجي قدامها وتعمل قط سيامي ههههههه :بس انت خليكي في ظهري نقنعها :ما تخافش هقف جمبك وازن عليها لحد ما اقنعها دى انا عليا اسلوب مقنع هيبهرك :مش خايف غير منك بقلمي سحر السحرتي *عادوا الى المنزل هدى : اتاخرتوا ليه واخبار الكافيه ايه :وحش قوي يا ماما مش من مستوايا وبعدين هيربطني والتمارين اعمل فيها ايه :السفر امتى

: بعد بكرة : زياد خلي بالك منها بالذات لو حصل واتقابلت مع جدها هناك حاول تسيطر على لسانها هو صعب جدا ومش عيزاه يقول اني ما عرفتش اربي : لا يا ماما واحنا هنشوفه فين صحيح بصي كدة مفاجأة بعد اذنك : ايه ده دبلة جميله قوي يا حبيبتي *ونظرت لها بغضــ . ــب : وكأن مالكيش اهل صح : لا يا حبيبتي ربنا ما يحرمني منك بس احنا اتصالحنا وهو طلبني ولو مش موافقة ارميها في وشه حالا ولا انك تزعلي هو انا عندي اهم منك يروح زياد يجي غيره

زياد: اصيلة يا ام رحاب بعتيني في ثانية هو ده اللي هقف جمبك وهقنعها توافق ارجوك يا طنط وافقي دي مجــ . ــنونة وما صدقت انها تعقل ونتصالح :حاضر بس كان المفروض تكبرونا وتطلبها مني انا واخوها :معلش اسف بس كنت عايز افرحها والدبلة هدية صلح وبعدين انا طلبتها قبل كدة وحضرتك وافقتي وقلت لاشرف اننا في حكم المخطوبين عموما ما تزعليش لو تحبي بكره نعمل اكبر شبكة :لا بكرة نقرا الفاتحة وتلبسوا الدبل وفي اجازة نص السنة الشبكة مبسوطين

:حبيبتي يا هدهد امــ . ــوت فيك :تولين خلي بالك من نفسك في الرحلة اذا كانت ولاء هبلة قيراط انت هبلة ٢٤ فهماني طبعا والكلام قدام زياد مش هسمح باي تجاوز زياد: هو حضرتك بتشبهيني بحاتم : لا يا حبيبي بس الشيـ . ـطان شاطر وواجب انبهكم ما تضيعوش تعبي طول السنين دي في تربية عيالى في لحظة من وزة شيطان :ما تقلقيش يا طنط :والله انا كنت مستريحة وانتم متخانقين تولين : دي حماتك طلعت بتحبك قوي

*ضحك الجميع بقلمي سحر السحرتي عماد :ضحكونا معاكم *احتضنته تولين : اهلا بحمايا العزيز :حمايا دى اخبار حلوة بقى :اه حلوة قوي هيطلبني منك بكرة وعيزاك تطلع عينه على ما توافق : اطلع عين واحدة انا هطلع عنيه الاثنين عشان خاطرك :دي مش حماتك اللي طلعت بتحبك بس دى باباك كمان ههههه *في اليوم التالي بدات التحضيرات لقراءة الفاتحة هدى: ايه ده كله يا زياد هو الخطوبة النهاردة وانا معرفش دى مجرد قراءة فاتحة وقعدة عائلية على الضيق

: وماله يا طنط انا بحب تولين وعايز افرحها : يبقى ما تعرفهاش تولين مش بتفرح بالحاجات دي كفاية انك تحبها وتحطها في عنيك عماد :زي مامتها كدة طلباتها قليلة *وقام عماد باحتضان هدى بحب وقبل راسها تولين: جرى ايه يا عصافير الحب ما تسيبوه يتعب شوية بتقطعوا برزقي ليه سيبوني انا ارفض واقوله ده كثير عشان يحس بقيمتي زياد :حاسس والله يا مدوخاني تعالي ننزل نشتري الفستان :فستان ايه انا هتخطب بالمايوه اللي اول مرة شفتني بيه مش بذمتك هتبقى حاجة رومانسية

:وانا هلبس البوكسر امشي انجري بقى احسن البسك عفريتة رومانسية ايه اللي في لبس المايوه *وجذبها من يدها بقوة :اه بالراحة نرفوز قوي يا قلبي :استاذة فى تنطيط عفاريتي نفسي اعرف بتحسي بايه وانت بتعصبيني :بتبقى تجنن يا حبيبى ووشك محمر بتبقى قمر :طب اتفضلي عشان ما نتاخرش #هل ستمر الخطوبة مرور الكرام وهل ستحضر مديحة حلقة ١٨ *حل المساء وتزينت تولين وارتدت فستان جميل بنفس لون عنيها الزرقاء الصافية اضاف لها جمال مع تصفيفة شعر رائعة كانت حورية من الجنة

*حضرت ولاء ومهند زوجها وحضرت مديحة وزوجها ومهيتاب واشرف *صعدت ولاء لغرفة تولين :انا جيت يا قردة ايه الحلاوة دي :بذمتك الحلاوة دي ويتقال عليها قردة فرحوني في يوم خطوبتي بقي :عايزة اقولك اني جيت رغم تنبيهات الدكتور اني انام على ظهري الفترة دي احفظي الجمايل *نظرت لها بفرحة ودهشة :مش معقول مبروك يا لولو يارب تقومي بالسلامة انتم الاثنين :عقبالك يا حبيبتي : لا هجنن زياد شويه :هههه اكتر من كده طب حاسبي احسن يدخل مستشفي المجانين على ايدك

:مش للدرجه دي انا بس هقرص عليه حبتين : طب يلا احسن استوى تحت *طرق الباب واذنت فدخل عماد ومعه مهيتاب :تولة عايز اعرفك على ماهي :عرفاها يا اونكل ازيك يا ماهي مبسوطه قوي انك جيتي : مبروك يا تولين عارفة انك زعلانة من موضوع خطوبتي من زياد بس ما كنتش اعرف انه مرتبط زياد طول عمره زي اخويا وكان بيحل مشكلتي مع بابا اللي كان مصر يجوزني عشان يخلص من طيشي :عارفه ومش زعلانة خلاص ومبروك لك انت كمان انت هتتجوزي اخويا الثاني اشرف طيب ومؤدب واخ عزيز

:عارفة حكالي عنك كتير وعن ذلك له هههههه ممكن نبقى اصحاب :انا ما كنتش هجيب سيرة هو اللي فضح نفسه بنفسه ههههه وطبعا ممكن نبقى اصحاب اصل كنت بطلت اصاحب من زمان ولاء صاحبتي الوحيدة عماد : يلا بقى احسن زياد مش قادر يصبر :حاضر يا اونكل بقلمي سحر السحرتي *نزلت تولين وهي ممسكة بذراع عماد وانبهر زياد من جمالها حتى انه كاد يفقد عقله من سحرها الذي يشع حولها همست له