في فيلا يوسف …!!
كانت هي تجلس علي اريكه غرفتها علي قدمها الحاسوب خاصها ولكنها انتفضت من شئ رأته وقالت بفزع: –
-مااااااااااماااااااااااا…!!
اماني بفزع وهي تفتح باب غرفتها: –
بسم الله الحفيظ … خير يا بنتي …!!
حور بخوف وارتباك: –
النتيجه …. النتيجه ظهرت …!!
يوسف بفرح:-
عملتي اي..!!
حور بتردد: –
لسه مش كتبت رقم الجلوس بس خايفه .. خايفه اوي …!!
اماني بحب واطمئنان: –
اكتبي يا حبيبتي وان شاء الله هندسه زي ما بتحلمي …!!
-بدأت حور بكتابه ارقام جلوسها بيد مرتعشه وانتظرت حتي ظهرت لها النتيجه … نظرت بصدمه للشاشه وقالت: –
-مش ممكن …!!
اماني بفرحه: –
وريني كده ..!!
-نظرت اماني حتي استوعبت وقالت: –
مبروك يا يوسف بنتك جايبه 97.5% …!!
يوسف بفرحه وهو يحتضن ابنته: –
طيب بتعيطي ليه دلوقتي …!!
حور ببكاء: –
مش عارفه من الفرحه عيني دمعت …!!
اماني: –
الف مبروك يا روح قلبي انتي،، وان شاء الله تبقي اشطر مهندسه في شركه بابي …!!
حور بتردد: –
انا مش هشتغل في شركه بابا …!!
يوسف باستغراب : –
وليه بقا ان شاء الله …!!
حور بخجل وتردد: –
يا بابا انا لو رحت عند حضرتك الشركه الكل هيعاملني علي اساس بنت المدير ورسميه وكده .. انا مش عايزه كده عايزه ابني نفسي بنفسي … يعني عايزه اشتغل وانا في الجامعه ..!!
يوسف بضحك ويبدو انه يعلم شئ ما :-
خلاص اوك اشتغلي عندي في الشركه وانتي في الجامعه …!!
حور: –
حضرتك مش فاهم .. انا عايزه اقدم علي وظيفه عايزه اتقبل او اترفض .. يا بابا انا لحد دلوقتي مش بقول اسم عيلتي ديما بقول حور يوسف عمري ما قولت يوسف ايه …!!
اماني باعجاب: –
ربنا يحميكي لشبابك يا بنتي …!!
يوسف بدهشه: –
انتي موافقه يا اماني يبقي ابوها صاحب اكبر شركات مصر وتطلعي تشتغلي …!!
اماني: –
سيبها براحتها خليها تخوض التجربه خلي الدنيا تعلمها يا يوسف …!!
يوسف بتنهيده: –
اللي تشوفيه … قوليلي بقا يا ست حور عايزه اي هديه نجاحك …!!
حور بضحك:-
هديه نجاحي مش دلوقتي يا بوب … انا دلوقتي عايزه اناااااام …!!
اماني وهي تقبل رأسها: –
تصبحي علي خير يا حبيبتي ..!!
-خرج يوسف واماني من غرفتها وهي ذهبت في ثبات عميق من اثر الفرحه بها ما اجمل النجاح …!!!
« « « « « « « « « «
في اسكندريه …!!
قامت هي علي اثر طرقات علي باب الغرفه وقالت بنعاس: –
-خير يا ام ربيع ..!!
قالت ام ربيع من خلف الباب:-
يا هانم فارس بيه ومعاه واحد كمان بره …!!
فزعت ناهد وقالت :-
طيب يا ام ربيع ..نازلين كمان خمس دقايق…
-مالت ناهد قليلا وقالت :-
مراد فارس برا ..
مراد بنعاس وفزع:-
برا .. دلوقتي ..؟
ناهد بابتسامه :-
قلبى بيقولى ان جاسر معاه ..
-طيب قومى يلا ..
قالها مراد وهو ينهض من الفراش ..
« « « « « « « « « « « « « « « « «
:- في صاله المنزل …!!
– خرج مراد وجد فارس يجلس وبجواره جاسر تحدث مراد بفرحه: –
-حمد لله علي سلامتك يا جاسر ..!!
جاسر بتنهيده :-
الله يسلمك يا بابا جدي اخباره ايه … عايز اشوفه …!!
دخلت ناهد قائله :-
مفيش ازيك يا ماما ولا خلاص نسيت ان ليك ام يا بن الهواري …!!
تقدم جاسر نحوها يقبل يديها بحب: –
واحشتيني جدا جدا جدا يا ست الكل … !!
ربتت ناهد علي كتفه قائله بحب بالغ:-
وانت كمان يا حبيبي ..!!
جاسر بلهفه: –
عايز اشوف جدي ..!!
ناهد بحزن: –
نايم يا جاسر مينفعش دلوقتي .. النهار له عنين يا حبيبي …!!
جاسر بحزن شديد: –
طيب هو كويس صح ..!!؟
فارس :-
ان شاء الله .. يلا دلوقتي عايز انااام …!!
جاسر بضيق منه:-
طول الطريق قارفني كان هاين عليا ارميك في اي صندوق زباله والله ..!!
-ضحك الجميع وذهبوا الي غرفهم وايضا جاسر ..!!
« « « « « « « « « « « « « « « «
في غرفه جاسر ..!!
-دخل غرفته وجميع ذكرياته المؤلمه تهاجمه ود لو يخرج منها بل من المحافظه كامله .. ظل يتجول في تلك الغرفه المؤلمه كما اطلق عليهاامسك دفتر ذكرياته وتذكرها ..!!
#فلاش_باك
-دخل الاثنان المنزل بيد بعضهما وذهبت هي نحو سليم تقبله قائله : –
-جدو واحشني جدا..!!
سليم بضحك: –
يا بت اعقلي بقا ..!!
قالت هي بغرور: –
انا عاقله يا جدو ..!!
-دلفت المرأه ” ام ربيع ” وهي بيديها الشاي ولكن تبعثر قدمها ووقع منها الصنيه قالت هي :-
– انتي غبيه اي اللي عملتيه ده ..!!
جاسر بحده: –
كارما … احترمي نفسك دي في مقام مامتك ..!!
كارما بغرور: –
انت بتساوي دي بمامي .. وات ايفير يعني خلينا في الموضوع اللي احنا جاين عشانه ..!!
سامر بتساؤل: –
موضوع اي ..!!
جاسر: –
جوازي انا وكارما يا عمو ..!!
سامر بفرحه: –
انا عن نفسي موافق وانت يا كين ..!!
كين نظرات ذات معني لاخته : –
.. موافق ..!!
سليم بضحك: –
يوم الخميس الجاي كتب الكتاب ..!!
كارما بشئ خفي ومالت علي كين قليلا :-
اخيرا …!!
كين بعيون خبيثه: –
اخيرا…..!!
#انتهي_فلاش_باك
جاسر فاق من شروده قائلا لنفسه: –
مكنتش فاهم معني الكلمه بس كله ظهر علي حقيقته ماشي يا عيال سامر الهواري …!!!
-ذهب نحو فراشه وغاض في ثبات ” عميييق ..
~~~~~~~~~~~~~~~~~~~~~~~
:- في اليوم التالي …!!
:- في منزل سليم الهواري ..!!
-كان الجميع يجلس في الصاله عدا سليم :-
قال جاسر:-
هدخل لجدي ..!!
-التفت جاسر ولكنه دهش مما رأه …!!
رواية صغيرة على الحب.
بارت: – الرابع
~~~~~~~~~
:-في صباح اليوم التالي
:-في منزل “سليم الهواري “…
-كان الجميع يجلس في الصاله عدا “سليم ”
قال جاسر: –
هدخل لجدي ..!!
-التفت جاسر ولكنه دهش مما راه .. حقا .. هو بتلك الصحه الجيده … ايخدعوني ….!!
-دخل “سليم ” بخطوات ثابته وبيده عصاته وقال بثبات جهوري: –
طبعا يا جاسر بيه انت مستغرب ازاي جدي صحته حلوه كده .. هما بيستغفلوني.. !!
جاسر بسخريه :-
كويس ان حضرتك عارف ..
ناهد محاوله تخفيف الوضع: –
جاسر كلم جدك كويس …
-التفت سليم لهم وقال: –
سبيه يا ناهد … اسمع يا جاسر انا جدك يا حبيبي واكتر واحد هيخاف علي مصلحتك يمكن اكتر من ابوك كمان … بس انا يا بني خلاص مش ضامن عمري … ولازم انت ترجع تاني اسكندريه ..!!
كانت دموع جاسر مهدده بالنزول ولكنه تماسك اكتر واجاب قائلا: –
– حضرتك عارف الموضوع … مقدرش …!!
سليم بقوه: –
اسمع انت حفيد سليم الهواري مفيش حاجه تك.سرك مش حته بت تعمل فيك كده … انت هترجع وهتنسي .. امال فين قسوتك فين الجبروت اللي مصر كلها بتحكي عنه …!!
-كانت كلمــ,,ـات سليم كافيه بسترجاع جاسر ثقته بنفسه وقال : –
-يا جدي انا مش زعلان عشانها. … انا زعلان عشان حبيت واحده زي دي … مهما كانت هي مين وبنت مين بس هي مش زينا من مش من عليتنا اصلا يدوب اسم بس … انا مش عايز افتح في القديم يا جدي …!!
سليم بحنو: –
كارما وكين زي امهم مكنتش بتحب حد فينا وكانت مفهمه سامر ان انا بفضل اخواته عليه وديما تزرع الكره في قلبه ناحيتنا ولحد دلوقتي معرفش عن الولاد حاجه عرفت ان امهم مــ,,ـاتت في حــ,,ـادثه بعد سامر علي طول .. !!
جاسر بتنهيده: –
الخلاصه .. انا خلاص يا جدي قررت ارجع .. بس مش قبل سنه علي الاقل ..!!
سليم بفرحه: –
خد وقتك المهم ترجع …!!
فارس موجهها كلامه ل ليله: –
نتيجتك ظهرت يا بت ولا لسه …!!؟
ليله: –
بت اما تبتك .. هتظهر باليل ..!!
فارس: –
سبحان الله نفس تناحه اخوكي ..!!
جاسر وهو يحك ذقنه: –
بتقول حاجه يا فارس …!!
فارس بفزع: –
بقولها قمر زي اخوكي ..!!
ليله بدهشه: –
يا جبااان….
فارس بضحك:-
مابلاش انتي … اكتر واحده مجربه قفا اخوكي …
ليله وهي تحك ظهر رقبتها بضيق: –
انت هتقولي …
مراد بضحك: –
ليله ..يلا حضري الفطار كلنا هناكل من عقكك اقصد فطارك …
ليله بتذمر: –
ما انا الخدامه الفلبينيه اللي مامي جابتها …!!
-مرت هي من امام اخيها الذي سبقها وضــ,,ـربها بكف يده علي ظهر رقبتها ضاحكا بشده … مررت هي يديها علي موضع الوجع وقالت بحنق: –
-ابو اشكالك يا جاسر ..!!
جاسر بصدمه: –
اي يا بت انتي في اي … ده بيني وبينك 10 سنين المفروض تقوليلي يا ابيه كانوع من الادب .. ابقي اسألي صحابك بتقولو اي لخواتكم …!!
ليله بضحك: –
ابيه .. انت قولت اهو المفروض … وبعدين صحابي بيقولولي اخواتنا سكر مش بيضــ,,ـربونا …!!
فارس بضحك: –
ليله .. خلصي يا ليله سوده …!!
ليله بغضــ,,ـب :-
اسمي ليله بس ليله سوده دي ليلتك ان شاء الله ..!!
ناهد بضحك: –
سبحان الله رد جاهزط …
-ضحك الجميع علي مرحهم ليقرر جاسر تغلبه علي الماضي .. يرجع الي بلده الي اصله الذي نشاء وتربي بينه …
~~~~~~~~~~~~~~~~~~~~~~~
:-في منزل يوسف ..
-خرجت اماني من المطبخ وهي تضع الفطور علي السفره وقالت بصوت عال نسيبا: –
– حور يلا عشان الفطار …
-خرجت حور وقالت بقله صبر: –
هو اللي هنقوله هنعيده تاني يا نوني .. قولت مبعرفش اكل غير قصاد التلفزيون مزاجي كده ….
اماني بضحك: –
ما انا حليت المشكله باباكي جاب امبارح واحد وركب شاشه عرض قصاد السفره اهو .. رغم انه مش ديكور وتخاريف بس كله يهون عشان المهندسه حور ..
ضحكت حور بشده علي امها وقالت: –
مهندسه مره واحده .. انا لسه مرحتش الجامعه يا ست الكل ….
يوسف وهو يجفف يده :-
انتي مهندسه محدش يقدر يقول غير كده ..
جلس علي مقده واكمل بحب :-
عارفه كان نفسي اوي اجيب ولد الاول عشان يسندي في شغلي ويشيل اسمي زي مابيقولو .. لما امك جابتك كنت فرحان بيكي اوي حتي مسألتش ولد ولا بنت ولما خالك الله يرحمه قالي بنت يا يوسف فرحت اكتر … حتي انا استغربت من فرحتي دي … مع ان اخواتي كلهم عندهم ولاد وكانوا مستغرببن فرحتي .. وقالو دي بنت فرحان علي اي ..بس قولتلهم البنت دي هتبقي مهندسه شاطره اوي ومش كل همها الفلوس وبس هتبقي دي سندي في الحياه .. دي هتبقي ذريه صالحه ليا .. دي اللي هتحمي اسمي وتشيله…دي هتبقي ب100 راجل .. هتبقي قويه ..
وانتي فعلا كل يوم بترفعي راسي اكتر من اللي قبله …
-انهي يوسف كلامه بينما ارتمت حور في حضــ,,ـنه ببكاء قائله: –
-ربنا يخليك ليا احن اب في الدنيا كلها .. وبعدين ده كله بفضلك انت وماما عليا انتو اللي علمتوني كده …
اماني بحب: –
بعد ما ولدتك تعبت وعملت عمليه استقصال الرحم كنت زعلانه اوي عشان مش هجيب الولد ليوسف وعرض عليه يتجوز … بس قال كفايه علينا حور عينينا ….
-ضحكت حور وقالت بمرح: –
كنتي عايزه تفرطي في الراجل يا موني …
يوسف بضحك: –
شفتي امك بيعاني ..
اماني بضحك: –
يلا خلص فطارك هتتأخر …
-واكملو فطارهم وسط مرح حور وكان يوسف يحمد ربه علي عائلته الصغيره التي يعشــ,,ـقها عشــ,,ـقا ….
~~~~~~~~~~~~~~~~~~~~~~~
:- في المساء …
:-في منزل سليم..
:-في الجنينه تحديدا …
-كانت جميع العائله في المنزل عدا ليله التي دخلت وهي تتصنع الحزن قائله: –
– النتيجه ظهرت…
فارس بلهفه في عنينه: –
عملتي اي … مال وشك ..لا متقوليش جبتي مجموع وحش ده انا كنت محفظك المنهج ….
مراد بخوف: –
انطقي عملتي اي …
ناهد وهي تندب حظها: –
يا مليه بختك في بنتك يا ناهد
-كان الجميع سوف يجن من سكوتها عدا جاسر وسليم فهم يعلموا كل شئ ولم يتفاجؤا بها واخيرا تحدثت ليله قائله: –
-انا جايبه مجموع زباله …
فارس: –
ايوه كام يعني ..
ليله ببكاء حقيقي: –
جبت 96.5
ناهد وهي تخلع الشبشب: –
وده مجموع زباله يا بنت الجزمه تعالي وحياه ابوكي ما انا سايباكي …
ليله وهي تجري منها قائله بنهج : –
اهدي بس يا ماما ..
مراد باستغراب : –
تهدي وده مجموع زباله ليه بقا …
ليله بخجل وتردد :-
كنت عايز اجيب 98% زي فارس …
جاسر بخبــ,,ـث: –
واشمعني فارس بقا …
ليله بتوتر: –
عش .. عشان ميقوليش عليا .. ف فاشله ..
قام سليم وتقدم نحوها مبارك لها: –
الف مبروك يا لولو عقبال التخرج يا دكتوره ….
مراد بضحك : –
صيدله يا ليله ان شاء الله ..
ليله: –
ان شاء الله يا بابي ..
ناهد بتوعد: –
اصبري بس اصبري …
-ضحك الجميع عليهم وعلي مرحهم وحمدو الله جميعا جاسر وقرر ان يتغلب علي مخاوفه وليله سوف تكون طبيبه ماهره في الاسكندريه ونظر لهم سليم قائلا بخفوف وغموض معا :- ” مش هسمحلك تهدي اللي بنيته يا بنت سامر ”
~~~~~~~~~~~~~~~~~~~~~~~
:- بعد مرور اسبوع …
:- في منزل جاسر بالقاهره …
-كان يجلس بغرفته وهو يتذكر اصعب مشاهد حياته …
#فلاش_باك
كارما بغرور: –
انا هسافر مع مامي وكين …
جاسر بدهشه: –
تسافري .. شهر عسل جديد يعني مع بعض ..
كارما: –
تؤتؤ … انا هسافر عشان ابوك وعمك كانوا سبب في مــ,,ـوت ابويا وظلــ,,ـم جدك ل امي هو اللي خلاها تسيب البلد ..
جاسر: –
كلامك بيناقض بيعضه … يعني مش مبرر يا كارما …
كارما بتردد: –
انا مش بحبك يا جاسر …
-دهش جاسر مما سمعه واعتصر قلبه الما ولكنه ظن انه يحلم،، هي من اوهمته بحبها له ولكنه تحدث بجمود: –
-في حد تاني في حياتك….
كارما بقوه: –
ملكش دعوه .. انا مش بحبك .. ورقتي توصلني لما اسافر لو سمحت ….
-تركته ورحلت هي واخيها وتلك الحيه امها
#انتهي_فلاش_باك
-فاق من شروده وهو يك.سر تحف الغرفه وجسده يتصبب عرقا قائلا بعنــ,,ـف: –
-هــ,,ـك يا كارما الزفت هــ,,ـك ….
-دخل عليه فارس متعجبا من حاله ولكنه قال: –
-اهدي يا جاسر مفيش حد يستاهل تعمل في نفسك كده عشانه … اهدي….
جاسر بصرامه :-
وديني وايماني ل اــ,,ـها لو لمحتها بس
-كاد فارس ان يخرج ولكنه صدم مما رأه …!!
~~~~~~~~~~~~~~~~~~~~~~~
البارت: – الخامس
” ” ” ” ” ” ” ” ”
تحدث فارس بدهشه كبيره وخوف ايضا: –
-جاسر .. ايدك مجروحه …
جاسر بغضــ,,ـب اكثر :-
مش مهم .. المهم لازم النــ,,ـار اللي جوايا تنطفي لازم …
فارس غضــ,,ـب منه ومن غبائه و اسرع لأحضار علبه “الاسعافات الاوليه ” ورجع اليه مره اخري بها .. سحب منه يديه بحنق وهو لا يبالي بوجع يديه والم الجـ,ـرح .. وبدأ فارس بفحص جـ,ـرحه وتنظيفه وبعدها اردف حانقا منه: –
ما تفوق بقا … بقالك اكتر من7 سنين منستش يا جاسر … مع انها متستاهلش لكل ده .. هي مجرد واحده عايزه فلوسك بس .. ديما حاسه هي واخوها بالنقص … معقول لسه بتحبها يا جاسر …!!؟
جاسر بشرود وهو يسمك يديه : –
انا مبكرهش في حياتي زيها كرهت كل جــ,,ـنس حوا من وراها …. بس انا سايبها بمزاجي ..
فارس بسخريه: –
علي اساس انك تعرف هي فين اصلا بقالها سنين منعرفش عنها حاجه …
جاسر بضحك وــ,,ـسخريه: –
هترجع .. و جدك عارف كمان انها هترجع ومتأكد عشان كده مبيدورش عليها ….
فارس بتنهيده حااره: –
انسي يا صاحبي … ايدك لفتها خلاص متنساش تروح لدكتور يطهر الجـ,ـرح اكتر ..
جاسر وقد تجاهل حديثه : –
انا عايز اخرج مخنوق .. اطلع البس ..
-اومأ فارس لأنه يعلم مدي ضيق صديقه ولكن لمتي سيهرب لمتي ….!!
~~~~~~~~~~~~~~~~~~~~~~~
:- في البار (مكان مشبوه)
-دخل جاسر ولم يتعجب فارس فهو يعرف عندما يتضايق صديقه يلجأ الي الحل الوحيد له هو السهر لكي ينسي .. نزل جاسر وتبعه فارس…،،
تقدم جاسر نحو المكان ودخل هو وصديقه وكان واضحا من ترحيب الناس بهم انهم ليس جدد في المكان … مشي الاثنان وجلسوا علي الترابيزه وتقدم لهم افخم المشروبات وبعد قليل ..جاءت فتاه ترتدي ملابس تشبه قميص النوم الفاضح … جلست بجوار جاسر وقالت بدلال :-
-ازيك يا فارس بيه …
فارس بنظرات راغبه لها: –
-جميل اوي يا ملكه جمال مصر …
واكملت هي بدلال انوثي اكثر لجاسر: –
وانت بقا يا حلو يا ابو عنين عسلي انت اسمك اي …
ابعدها جاسر عنه ونظراته لها باشمزاز وقال بجمود : –
ابعدي بس كده … ملكيش دعوه …
ابعدت هي عنه وهي تفرقع اللبانه في فمها قائله: –
ماله يا اختشي ده …
نهضت هي من جواره وقال فارس بدعوه: –
-اشوف فيك يوم يا قاطع اللحظات السعيده في حياتي …
جاسر بجمود : –
مكانتش حلوه علي فكره .. بقولك تعالي نروح نتمشي بالعربيه احلي …
فارس بذهول: –
نتمشي بالعربيه .. الواد مخه طق…
-مشي جاسر وتبعه فارس خارج ذلك المكان وذهبوا الي الكورنيش كما يطلق عليه وظلوا يتحدثون في امور عاديه ..
~~~~~~~~~~~~~~~~~~~~~~~
:- بعد مرور خمسه اشهر ….!!
:-في منزل حور …!!
-خرجت هي من غرفتها بمرحها المعتاد فهي بدات جامعتها منذ فوات شهرين ركضت هي وجلست علي الاريكه بجوار والدها واردفت بجديه: –
-بابا ..
يوسف وهو ينظر لها: –
خير ..
اكملت حور حديثها قائله: –
خير ان شاء الله … انا قدمت طلب علي النت وكان في شركه طالبه مهندسه معماريه وانا قدمت من اسبوع وردوا امبارح وقالي بكره الانترفيو. . .
يوسف بتنهيده :-
اوك يا حور روحي …
-قبلت هي والدها ووالدتها كانت نائمه في غرفتها … ثم ذهبت لغرفتها لتنعم بنوم عمييق …
~~~~~~~~~~~~~~~~~~~~~~~
:- في اليوم التالي …
:- في الشركه …
-دخلت هي تلك الشركه ولم تنظر ل اسمها من شده فخامتها … دخلت بخطوات واثقه من حالها لا تعرف من اين اتاها تلك الثقه فهي تمــ,,ـوت خوفــ,,ـا بداخلها ولكنها رفعت نظارتها الشمسيه فوق شعرها واكملت خطواتها قابلت فتاه تجلس علي المكتب وقالت بثقه: –
-ممكن اعرف مين اللي هيعمل الانترفيو او فين قسم الموظفين المنتظرين ….
قالت الفتاه برسميه: –
اتفضلي يا فندم انتظري هنا .. معلشي .. ممكن اعرف اسمك …
حور واجابتها بثقه اكثر: –
حور يوسف …
الفتاه: –
تمام يا فندم .. حضرتك هتدخلي بعد الانسه اللي جوه …
-جلست حور علي الكرسي وهي تدعي الله بداخلها ان تقبل … بعد قليل من الانتظار … خرجت البنت من الداخل ونهضت حور لتدخل .. كانت في بدايه الموقف خائفه ولكنها حاولت الثبات … دخلت حور وجدت شاب في اواخر العشرينات لم تكن تتوقع انه شاب ولكنه قطع افكارها وقال: –
-اتفضلي …
دخلت هي حتي اذن لها بالجلوس وقال هو: –
اعرفك بنفسي الاول .. انا فارس الشناوي …
حور بابتسامه:-
اهلا بحضرتك …
فارس بابتسامه ايضا: –
ال CV بتاعك يا انسه حور جميل بس انتي لسه صغيره جدا علي الشغل …
حور بتردد: –
عادي يعني …
فارس: –
الحكايه مش عادي .. لازم يكون في خبره .. لازم تكوني علي الاقل مخلصه او لسه سنه وتخلصي …
حور وقد فهمت: –
افهم من كده انك مش هتقبلني … وحضرتك الاول قريت ملفي ..
فارس: –
انسه حور احنا قبل ما بنقرأ الاسم حتي بنشوف المؤهل بنشوف الخبره وانتي مشتغلتيش قبل كده وكمان لسه اولي هندسه وجايه تشتغلي … هل محتاجه الشغل .. لا طبعا حضرتك مش باين عليكي خالص … انما موضوع الملف ده مش محتاج اقراه السكرتيره قالتلي المهندسه حور يوسف اولي جامعه وعايزاني اقرأ الملف كمان …؟
حور وقد اقتنعت نوعا ما: –
شكرا جدا لنيصحتك .. واسفه لو عطلت حضرتك …
نهض هو من مكانه قائلا: –
مفيش ازعاج … والشركه مفتوحه في اي وقت ملف حضرتك بره تقدري تاخديه …
-خرجت حور ودموعها مهدده بالنزول ..
~~~~~~~~~~~~~~~~~~~~~~~
:- في مكتب جاسر …
دخل فارس وجلس بدون مقدمــ,,ـات رفع جاسر نظره اليه قائلا: –
-يا اخي انا الصراحه مشفتش بجاحه زي بجاحتك …
فارس ببرود :-
اديك شوفت
جاسر وتجاهل حديثه قائلا: –
عملت اي في الانترفيو انهارده ..
فارس: –
اخترت مهندسه اسمها ليلي وكويسه …
نهض جاسر وهو يرتدي نظارته الشمسيه وقال: –
طيب فرع الشركه هنا الاستاذ حسين صاحب ابويا هو اللي هيديره واحنا هنرجع اسكندريه. كمان شهرين ..
فارس بتعجب: –
مش قولتو سنه ..
جاسر: –
جدي اصر ان كمان شهرين وبيقول كفايه سبع شهور …
فارس :-
امــ,,ـوت واعرف جدك بيفكر في اي ..
جاسر بضحك: –
الحال من بعضه يا صاحبي ..
فارس بتذكر: –
اه صح نسيت اقولك .. في بنت جاتلي انهارده الانترفيو ولسه في اولي هندسه…
جاسر باستغراب: –
ممكن تكون محتاجه الشغل ..
فارس باعتراض: –
لا لا شكلها مش باين عليه خالص ..
جاسر بعدم اهتمام :-
فكك يا فارس … انت مهتم ليه كده
فارس :-
مش حكايه مهتم بس بنت زي دي شكلها باين عليه انها بنت ناس ليه تشتغل ..
جاسر وقد نظر له :-
اكيد بتلعب في الشمال .. الحريم كلهم صنف *** …
فارس بقله حيله :-
ربنا يهديك يا صاحبي ….
-خرج فارس بينما تابع جاسر عمله باهتمام يحاول ان يشغل نفسه عن دوامه الذكريات …
~~~~~~~~~~~~~~~~~~~~~~~
:-في المساء ..
:-في منزل حور …
دخلت المنزل بعد وقت طويل وعينيها تفيض بالدموع .. نهضت اماني وقالت بقلق: –
-كنتي فين .. اتأخرتي ليه كده يا حور …
-القت حور نفسها في احضان والدتها وقالت بدموع: –
-اترفضت يا ماما …
حاولت اماني التخفيف عنها وقالت: –
ولا يهمك .. اشتغلي مع بابا …
-جلست هي وقال يوسف: –
كنت عارف ان ده هيحصل … يا حور مفيش شركه هتقبل تشغلك وانتي معندكيش خبره …
حور بدموع: –
انا كنت عايزه ابني نفسي بنفسي ..
يوسف بضحك: –
انتي مش ولد يا حور انتي بنت وملزومه مني لحد ما تتجوزي .. انا مطلبتش منك تشتغلي تخلصي دراستك الاول وتشتغلي بشهادتك …
حور: –
وحضرتك علمتني ان الولد زي بنت ..
يوسف: –
اه علمتك كده … بس مش قولت اطلعي اشتغلي …
حور وهي تمسح دموعها :-
انا هشتغل مع حضرتك يا بابي … مش ده اللى حضرتك عايزه
يوسف بعقلانيه : –
اه ده اللي عايزه … بس انا بجهز اوراقك عشان انقلك جامعه اسكندريه …
اماني: –
خلاص هانروح بعد شهرين …
حور وقد غلب عليها النعاس: –
هقوم انام …
-ضحك كل من يوسف واماني علي تلك اامجنونه…. وتنهد يوسف سوف يذهب الي اسكندريه بعد غياب طوييل فقد تركها بعد الانتهاء من جامعته وامسك فرع من فروع شركات والده كانت شركه صغيره وبمجهوده اصبحت مجموعه شركات بني نفسه بنفسه
لذلك ” حور ” تصمم علي بني نفسها والاعتماد علي حالها مثل ابيها ولكن ماذا سيحدث بالاسكندريه وكيف ستتعايش حور مع الوضع …؟
~~~~~~~~~~~~~~~~~~~~~~~
البارت: السادس ..
~~~~~~~~~
:-بعد مرور شهرين …
:-في منزل سليم الهواري …
-ركن هو سيارته ونزل منها هو وصديقه دخل الاثنان المنزل واستقبلهم سليم وقال: –
-واد يا مطاوع اطلع هات الشنط البيه ….
-خرج مطاوع وتقدم جاسر ليحتضن سليم بحب وتبعه فارس …واطلقت ناهد زغروطه قويه في المنزل حيث انها كانت فرحه في جميع المنزل … وقال جاسر بضحك :-
-ربنا يخليكي ليا يا ست الكل …
ناهد بحب: –
ويخليك ليا يا بن عمري …
ليله بسخريه: –
يعني انا بنت البطه البلاك …
فارس: –
بلاك …
ليله بغرور: –
دكتوره بئااا …
قال سليم :-
يلا ادخلوا وانت يا مراد كلم اخوك شوفه وصل لحد فين …
اومأ له مراد وبالفعل كلم اخيه
