القلب2

لان صوتها قليلا قائله بلهفه :-

احمد ايه ده معقول لحقت اوحشك؟!!

ده انا كنت لسه بكلمك بالليل!!

احمد بمكر شديد:-

انت لو غبتى عنى ثوانى بتوحشينى ياروما

اكمل قائلا بخبث،:-

بس انت مزعلانى ياروما كل ده بكلمك ورافضه تفتحى الكام ،وانت بتكلمينى ، ولا حتى راضيه تقابلينى.

مريم بتوسل قائله :-

ها احاول يا احمد اقابلك بس الاقى فرصه اما موضوع الكاميرا ده صعب قوى لو بابا شافنى مش ها يرحمنى .

احمد مدعيا الحزن :-

خلاص ياحبيتى شكلك لسه معندكيش ثقه فيا وقت ما تحسى انى قد الثقه ابقى كلمينى غير كده انا اسف سلام يا روما

مريم بغضب :-

احمد من فضلك اهدى ادينى وقت احاول الاقى وقت مناسب.

اجابها ببرود :-

تمام براحتك انت عرفت رقمى وقت ما تثقى فيا كلمينى .

اغلق الهاتف قبل ان تقاطعه مره اخرى.

نهضت من الفراش متاففه بغضب خرجت من الغرفه بعد ان اخذت حماما ، وبدلت ملابسها.

ثم توجهت الى غرفه اشقائها لتجد.فارس يجلس فى فراشه ،ويبكى بشده.

فزعت مريم لبكاء شقيقها اقتربت منه ،واحتـ,ـضنته ،واخذت تربت على كتفه بود حتى هدء فنظرت اليه بتساؤل قائله؛-

فارس حبيبى مالك بتعيط ليه ؟!

فارس ببكاء:-

مامى كوكى وحشتنى ودينى عندها يالوما

مريم بغضب شديد:-

ماتقولش مامى علشان مامى سهيله ،وبس ،ومـ,ـاتت راحت عند ربنا

نهض فارس مبتعدا عنها صاح بها غاضبا:-

انت مش حلوة لوما مش تحبى كوكى انا حبها ابعدى عنى كده مش تكلمينى .

نادته بحده قائله :-

فارس انت ياولد انا اختك الكبيرة ازاى تكلمنى كده؟!!

تركها وركض الى المطبخ لحيث توجد منى .

التى ما ان شاهدته حملته ،وقبـ,ـلته قائله له بود:-

صباح الخير يا فارس انت جعان حبيبى ؟!!

فارس ببرائته المعهوده:-

انا عايز كوكى وحشتنى جيبهالى .

قبلته منى بحب قائله:-

حبيب قلبى انت هيا بس راحت مع باباى يجبولك حاجات حلوة، وجايه على طول

يلا حببيى علشان تفطر علشان مامى كوكى تفرح بيك .

فارس ببكاء :-

بس لوما قالت مفيش مامى تانى .

منى بحزن على حال الصغير ،وتعلقه بكريمان:-

معلش حبيبى هيا متقصدش كوكى جايه قريب .

توجه فارس الى السفره بعد ان اطمئن من حديث منى

***********************

مراد بسعاده وهو يجلس بجوار كريمان باليخت الخاص به

حدثها بسعاده قائلا:-

تحبى تأكلى ايه على الفطار؟!!

اخذت تتامله بصمت لعده دقائق فهو يبدو وسيما بشده

حين يبتسم هكذا.

ضغط على يدها برفق قائلا :-

ها قولى يلا .

كريمان بتردد لو قلت يعنى ها تجبلى ؟

مراد بأبتسامه ساحره :-

جربى ،وشوفى كده!!

كريمان بتساؤل اى حاجه اى حاجه ؟!!

مراد متاملا اياها باعجاب :-

جربى كده ،وانت تعرفى

كريمان بتفكير :-

طيب انا عايزة افطر عسل ،وجبنه قديمه، وفطير مشلتت

نظر اليها مراد بصدمه غير مصدق لما تفوهت به

هتف بها مصدوما من حديثها :-

انت قلت ايه؟!!

انت بتهزرى اكيد اجيب منين انا الفطارده دلوقت؟!! ،وبعدين فى حد يفطر الفطار الدسم ده الصبح؟!!

كريمان بتذمر، وهيا تقترب منه الى اصبح لا يفصل بينهم شئ:-

انت مش قولت اتمنى ،وانت تنفذ.؟!!

مراد غامازا لها بمكر قائلا:-

طيب لو جبتلك الى انت عايزاه ها تكافئينى بأيه .

كريمان بخجل ،وقد احمرت وجنتيها بشده:’-

زى ما تحب انت ها كافئك.

********************&&

اغتاظت والدته بعد ان فضل عليها زوجته ،واخذها وغادر امسكت هاتفها، وقامت بالاتصال على ساره، وانتظرت بعض الوقت حتى اجابتها بصوت ناعس قائله :-

الو ايوا ياطنط تاففت قائله :-

اووف ينفع تصحينى بدرى كده مش قادرة تستنى شويه؟!!

سوسن بلهجه حاده :-

نوم ايه ,وزفت ايه انت سايبه الخدامه دى تأكل دماغه ،وتستحوذ على ثروته ،وخليك انت نايمه كده.

سارة بتأفف :-

انا مش ها اسكت ياطنط وانت عرفانى كويس ان مش انا الى اسيب واحده زى دى تأخد مراد منى بس انا بتكتك لها على نار هاديه ,وهاتشوفى انا ها اعمل فيها ايه.

سوسن بتأفف :-

اصحى فوقى كده وانا جايلك بالطريق نشوف ها نعمل ايه؟!!

ساره وقد التمعت عيناها بحقد شديد:-

منتظراكى ياطنط ما تتأخريش

سوسن بنظرات شيطانيه، وقد اخذت تفكر بطريقه لتتخلص بها من كريمان .

اغلقت الهاتف ،وذهبت لسيارتها استقلتها ،وتوجهت الى القاهره حيث ستقابل سارة.

اخذها مراد بالسياره لأحد اكبر المحلات بالغردقه التى تقوم ببيع الفطير ، وجلسوا ليأكلوا معا .

اكل مراد قضمنين فقط ،وجلس يتابعها ، وهيا تلتهم الفطير ،والعسل بنهم شديد ،وقد ارتسمت على شـ,ـفتيه

ابتسامه ساحره وهو يراها تأكل بنهم هكذا.