“بكرة تحملي وتُشوفي برد الحوامل وأنتِ حتى مش قادرة تاخدي مسكِّن!”
أكيد هي مش قاصدة، بس ليه الكلام خبط في عيني وعيّطت!
“مالك يا مجــ . ــنونة!”
“ورد، أنتِ كويسة؟”
“أنا مش حامل!
وزي الغبية روحت عشّمت يوسف
وهو بيقول مش زعلان
بس أنا عارفة هو تلاقيه عشَّم نفسه.”
قلت كلامي بسرعة كبيرة لقيت سارة ح.ضنتني وقالت:
“طب اهدي طيب هو أكيد مش زعلان، دي حاجة مش بإيدك.”
ليلى كانت بتبص ليّا نظرة غريبة أوي، وبعدين اتعدلت وهي بتقول:
“وأنتِ عرفتِ منين إنك مش حامل؟”
“اشتريت تحليل من الصيدلية وطلع شَرطَة واحدة!”
“أنتِ طيب حاسَّة بأي أعراض؟
ولا بتعمليه أصلًا كل شهر عشان تطمني؟”
بصيت لها باستغراب وبعدين قلت:
“لا حاسّة بكذا حاجة عشان كده عملته.”
“بت أنتِ هتشلّيني!
قاعدة بتعيّطي لي عشان التحليل أبو شرطة ده؟
ما تروحي تعملي تحليل دم يا فَلْحَة!”
بصيت لها باستغراب وانا بقول
” يا بنتي عملت التحليل المنزلي ومكنش فيه حاحة، بلاش انكد على نفسي اعمل تحليل تاني ”
” لا لا …. أنتِ قاعدتك معايا خطر على iQ بتاع بنتي …. يا حبيبتي الحمل لو اقل من 25 يوم او شهر مثلا عادي جدا إنه ميظهرش في التحليل المنزلي، خدي بعضك زي الشاطرة أنتِ وسارة وروحي اعملي تحليل في المعمل اللي بروحه، وبعد أربع ساعات مثلا هيبعتوا لكِ النتيجة ”
قاعدت شوية افكر وبعدين اتشجعت وقولت
” انا هروح اقول يوسف اني نازله وانتي يا سارة تجهزي بسرعة ”
ـــــــــــــــــــــــــــــــــــــــــــــــــــــــــــــــــــــــ
دورت عليه في القصر شوية لغاية ما استوعبت أنه قال إنه عنده شغل مع جده، فروحت لمكتب جده وخبطت، وفتح ليا محمد ابن عمه فقولت
” يوسف هنا؟؟ ”
نادى عليه بسرعة وثواني وخرج ليا وهو مستعجل وبيقولي
” اي يا حبيبتي؟ ”
” انا نازلة مع سارة دلوقتي … مش هتأخر ”
بص لي باستغراب وقال
” رايحه فين؟؟ ”
شبيت بسرعة عشان اطول أبويه من خده وانا بقول
” هقولك لما اجي … متقلقش مش هتأخر ”
ضحك ليا وهو بيقول
” رشوة دي يعني ولا اي؟؟ ”
” اعتبرها تصبيرة بجد مش هاخد هروح واجي على طول في الأوبر ”
” لا انزلي خلي سارة تجيب سواق جدي وخليه يوصلكم ويستناكم ”
” حاضر … يلا روح كمل شغلك ”
” خدي بالك من نفسك يا قطة ”
ابتسمت له روحت بسرعة على سارة اللي لبست ومستنياني ووقت قليل اوي وكنا في العربية متحركين ناحية المعمل .
ـــــــــــــــــــــــــــــــــــــــــــــــــــــــــــــــــــــــــــ
عملت التحليل وراجعه طول الطريق في توتر مش طبيعي، اول ما روحت بعت رسالة ليوسف لاني فعليا مش عاوزه اشوفه لغاية ما اعرف النتيجة، كنت راحه جايه في الآونة عند ليلى بكلم نفسي
” انا سمعت كلامكم ليه بس ”
” اي الرعب دا … اخر مرة خوفا فيها كانت من نتيجة الثانوية العامة ”
” لا لا أنا هيحصلي حاخة الوقت مش بيخلص ”
” اتهدي يا ورد عشان لحظة كمان وهطردك على أوضتك ”
بصيت لها يغيظ وانا بقول
” ادفع نص عمري وأشوفك وانتي مستنية نتيجة اختبار حملك في صالح، مش مقدرة أن دي اول مرة وانا خايفه ”
ضحكت جامد ومكنتش فاهمه سبب ضحكتها لغاية ما قالت
” لا ما أنا عرفت زي زي الكل ”
” نعم؟؟ ”
ضحكت تاني وهي بتقولي
” انا كنت اعبط منك، على الأقل أنتِ كنتِ مركزة مع الاعراض وروحي عملتي تحاليل”
” انا بقى كنت مع خالد في شغله في اسكندرية ومقضياها خروجات ولعب بعد ما بيخلص شغل، ومش واخده بالي أن البريود متأخرة اسبوع، مشكورا جوزي راح خدني وحسبنا عينة دم بحجة أنه هيعمل تحليل سكر ليا عشان أمي عندها السكر وكدة، وانا زي العبيط عملت التحليل، وفي نفس اليوم بليل لقيته مجهز ليا مفاجأة وبيقول أنتِ حامل ”
فطست، ضحك عليها وعلى طريقتها وهي بتحكي، وفعلا الكلام خدنا الكام ساعة دول لغاية ما لقيت باب الاوضة بيتفتح وسارة داخله وهي ماسكه موبايلي وبتنطت وبتقول
” ايجااابي يا ورد، التحليل طلع ايجابي ”
